JAMPA’ K’OTCHI’AJ

Jampa’ k’otchi’aj,

Kimolom kib’ pa ri wanima’.

Kib’em jun tzalij tzij.

Rech ri jun k’otom chia’j.

Ruk’ keb’ mulul kape,

Xinmaj una’ik ri loq’ojnik awuk’.

Kat kontaj kat kayik rumal ri axib’inik.

Ri numaqaj rech nuloq’ojniik.

In xin maj ri achik’ awuk’.

Tek’uri’ at xa jun awachab’il kawil wuk’

Je’ k’o na ub’oq’och ri awanima’.

Kawil ri chi in sib’aj katinloq’oj ruk nuk’u’x.

At ri’ xatzalijisaj nukojb’al,

Rech kinsach uwach ri xq’axtaj.

Chanim xinkuje’ kan kuk’ jaljoj taq k’otchi’aj,

Weye’n na k’o jun q’ij kinraq na ri taq tzalij tzij.

Jampa’ ri’j ik’ q’atanik chik pa ri ub’oq’och ri awachoch.

Jampa´ man katinatisaj ta che ri´kpakpatik.

Jampa’ b’ulb’ux tzij intz’ib’am chawe.

E in tajin na kineye´nik na waral.

Jampa’ jumul chik intz’ajom ri atze’tzetik.

Kinkoj uwach ruk’ ri je’l laj mi’ul.

Jampa’ k’otchi’aj,

Kimolom kib’ pa ri wanima’.